राष्ट्रपतिको कार्यालय

राष्ट्रपतिको कार्यालय
संघीय लोकतान्त्रिक गणतन्त्र​ नेपाल
नेपाल / NEPAL

२०६७ [2067] » KARTIK 2067 ( कार्तिक )

२०६७ साल कार्तिक २९ गते

सम्माननीय राष्ट्रपति डा. रामवरण यादवसँग साउदी अरेबियाका राजकुमार His Royal Highness Prince Alwaleed Bin Talal Abdulaziz Alsaud ले आज राष्ट्रपति भवन, शीतलनिवासमा शिष्टाचार भेट गर्नुभयो ।

भेटका अवसरमा दुई मुलुक बीचको आपसी हित र दुई पक्षीय सम्बन्धको थप विस्तारको बारेमा छलफल भएको थियो । सो अवसरमा His Royal Highness Prince Alwaleed Bin Talal Abdulaziz Alsaud ले नेपालमा आर्थिक लगानीको सम्भावनाबारे अध्ययन गर्ने, सामाजिक क्षेत्रका परियोजनाहरुमा सहयोग गर्ने मनसाय व्यक्त गर्नुभयो । वहाँले नेपालमा साउदी अरेबियाको राजदुतावास स्थापना गर्ने बिषयमा सम्बन्धित निकायसंग पहल गर्ने कुरा पनि सम्माननीय राष्ट्रपतिज्यू समक्ष व्यक्त गर्नुभयो ।

२०६७ साल कार्तिक ८ गते

सम्माननीय राष्ट्रपति डा. रामवरण यादवसँग सम्माननीय उपराष्ट्रपति परमानन्द झाले आज राष्ट्रपति भवन, शीतल निवासमा भेट गर्नुभयो ।

भेटका अवसरमा वहाँहरू बीच सम्माननीय राष्ट्रपतिज्यूको आसन्न चीन भ्रमण र सम्माननीय उपराष्ट्रपतिज्यूले हालै सम्पन्न गर्नु भएको चीन भ्रमणका सम्बन्धमा छलफल भयो ।

२०६७ साल कार्तिक ८ गते

सम्माननीय राष्ट्रपति डा. रामवरण यादवसँग आफ्नो कार्यकाल समाप्त गरी स्वदेश फर्कन लाग्नु भएका रूसका राजदूत H.E. Mr. Andrey Leonidovich Trofimov बाट आज राष्ट्रपति भवन, शीतल निवासमा विदाई भेट गर्नुभयो ।

भेटका अवसरमा सम्माननीय राष्ट्रपतिज्यूले H.E. Mr. Andrey Leonidovich Trofimov लाई दुई मुलुक बीचको आपसी हित र दि्वपक्षीय सम्बन्धको थप विस्तारका लागि पु–याउनु भएको योगदानका लागि धन्यवाद दिनु भयो ।

२०६७ साल कार्तिक ७ गते

सम्माननीय राष्ट्रपति डा=रामवरण यादवज्यूसँग आज राष्ट्रपति भवन, शीतल निवासमा World Association of Press Council को यहि अक्टोबर २३ देखि २७, २०१० सम्म नेपालमा भइरहेको बैठकमा सहभागी हुन नेपाल आउनुभएका World Association of Press Council का अध्यक्ष सहित अन्य पदाधिकारीहरुले सामूहिक भेट गर्नुभयो ।

उक्त अवसरमा सम्माननीय राष्ट्रपतिज्यू र विभिन्न मुलुकका प्रेस प्रतिनिधिहरु बीच विश्वमा शान्ति र स्थिरता तथा जनताको सुसूचित हुने अधिकारप्रति प्रेसको दायित्व र भूमिकाका सम्बन्धमा कुराकानी भएको थियो

२०६७ साल कार्तिक ४ गते

सम्माननीय राष्ट्रपति डा. रामवरण यादवज्यूसँग आज राष्ट्रपति भवन, शीतल निवासमा चिँनिया राजदूत H.E. Mr Qiu Guohong ले भेट गर्नुभयो ।

भेटका अवसरमा सम्माननीय राष्ट्रपतिज्यूको आसन्न चीन भ्रमण कार्यक्रमको विषयमा महामहिम राजदूतले सम्माननीय राष्ट्रपतिज्यूलाई जानकारी गराउनुभयो ।

श्रीमती विद्यादेवी भण्डारी
सम्माननीय राष्ट्रपति