राष्ट्रपतिको कार्यालय

राष्ट्रपतिको कार्यालय
संघीय लोकतान्त्रिक गणतन्त्र​ नेपाल
नेपाल / NEPAL

२०६७ [2067] » JESTHA 2067 ( ज्येष्ठ )

२०६७ जेष्ठ १६ गते

सम्माननीय राष्ट्रपति डा. रामवरण यादवले नेपालको अन्तरिम संविधान, २०६३ को धारा १५० बमोजिम मन्त्रिपरिषद्को सिफारिसमा काठमाडौं जिल्ला, काठमाडौं महानगरपालिका, वडा नं. ४, विशालनगर निवासी श्री मोहनकृष्ण श्रेष्ठलाई गणतन्त्र फ्रान्सका लागि नेपाली राजदूत पदमा नियुक्ति गर्नुभएकोे छ।

२०६७ जेष्ठ १४ गते

सम्माननीय राष्ट्रपति डा. रामवरण यादवसँग सम्माननीय प्रधानमन्त्री माधवकुमार नेपालले आज राष्ट्रपति भवन शीतल निवासमा भेट गर्नुभयो।

भेटका अवसरमा सम्माननीय राष्ट्रपतिज्यूलाई सम्माननीय प्रधानमन्त्रीज्यूले मुलुकको अहिलेको राजनैतिक परिस्थितिका बारेमा अवगत गराउनु भएको थियो।

२०६७ जेष्ठ ११ गते

सम्माननीय राष्ट्रपति डा. रामवरण यादवज्यूसँग सम्माननीय प्रधानमन्त्री श्री माधव कुमार नेपालज्यूले आज राष्ट्रपति भवन, शीतल निवासमा नियमित भेट गर्नु भयो।

भेटका अवसरमा वहाँहरु बीच समसामयिक विषयमा छलफल भएको थियो ।

२०६७ जेष्ठ ६ गते

सम्माननीय राष्ट्रपति डा. रामवरण यादवज्यूसँग सम्माननीय प्रधानमन्त्री श्री माधव कुमार नेपालज्यूले आज राष्ट्रपति भवन, शीतल निवासमा नियमित भेट गर्नु भयो।

भेटका अवसरमा वहाँहरु बीच समसामयिक विषयमा छलफल भएको थियो ।

२०६७ जेष्ठ १३ गते

सम्माननीय राष्ट्रपति डा. रामवरण यावदज्यूले आज विहान एकीकृत नेपाल कम्युनिष्ट पार्टी (माओवादी) का अध्यक्ष माननीय श्री पुष्प कमल दाहाल “प्रचण्ड”, नेपाली काँग्रेसका कार्यवाहक सभापति श्री सुशील कोइराला तथा नेपाल कम्युनिष्ट पार्टी (एमाले)का अध्यक्ष माननीय श्री झलनाथ खनाललाई राष्ट्रपति भवन, शीतल निवासमा आमन्त्रण गरी देशको पछिल्लो राजनीतिक वस्तुस्थितिका बारेमा छलफल गर्नु भयो। सम्माननीय राष्ट्रपति र नेतात्रय बीच विहान ७ः३० देखि करिब डेढ घन्टा विचार विमर्श भएको थियो।

त्यस अवसरमा सम्माननीय राष्ट्रपति डा. यादवले दलहरु बीचको आपसी मतभेदका कारण देशमा बढ्दै गएको राजनीतिक अन्योलप्रति चिन्ता प्रकट गर्दै नेताहरुलाई राष्ट्रिय स्वाभिमान र सम्पूर्ण नेपालीको हितलाई ध्यानमा राखी सहमति कायम गरेर अघि बढ्न आग्रह गर्नु भयो। सम्माननीय राष्ट्रपतिले संविधानसभा आफैमा साध्य नभएर जनताको भावना अनुरुपको लोकतान्त्रिक संविधान निर्माण गर्ने आधारभूत साधन भएको तथ्य स्मरण गराउँदै नयाँ संविधान बनाउने कार्य अधूरो रहेकै अवस्थामा जनताद्वारा निर्वाचित संविधानसभाको भविष्यलाई लिएर उत्पन्न अन्योल दुर्भाग्यपूर्ण भएको विचार राख्नु भयो। सम्माननीय राष्ट्रपतिले जनआन्दोलनबाट प्राप्त लोकतन्त्र, गणतन्त्र र संघीयतालाई संस्थागत गर्नु नै अहिलेको प्रमुख दायित्व भएको तर नयाँ संविधान निर्माण नहुँदा सम्म ती कुराहरुलाई संस्थागत र सुदृढ तुल्याउन सम्भव नहुने कुरा पनि स्पष्ट पार्नुभयो। संविधानसभा बाहेक संविधान निर्माण गर्ने अन्य उपायहरु नभएकोले नयाँ संविधान नलेखिँदा सम्म संविधानसभाको क्रियाशिलता सुनिश्चित गर्न वहाँले आफू र आम नेपाली जनताका तर्फबाट नेतात्रयलाई अनुरोध गर्नु भयो।

श्रीमती विद्यादेवी भण्डारी
सम्माननीय राष्ट्रपति