राष्ट्रपतिको कार्यालय

राष्ट्रपतिको कार्यालय
संघीय लोकतान्त्रिक गणतन्त्र​ नेपाल
नेपाल / NEPAL

PRESS RELEASES » २०७० [2070] » २०७० Chait चैत

२०७० चैत्र २८ गते शुक्रवार

सम्माननीय राष्ट्रपति डा. रामवरण यादवले आज राष्ट्रपतिभवन, शीतलनिवासमा आयोजित एक विशेष समारोहका बीच संवैधानिक परिषदको सिफारिसमा नियुक्त हुनु भएका सम्माननीय प्रधान न्यायाधीश श्री  दामोदरप्रसाद शर्मालाई सर्वोच्च अदालतको प्रधान न्यायाधीश पदको पद तथा गोपनीयताको शपथ गराउनु भयो ।

सो समारोहमा सम्माननीय उपराष्ट्रपति परमानन्द झा, सम्माननीय प्रधानमन्त्री सुशील कोइराला, संविधानसभाका सम्माननीय अध्यक्ष सुवासचन्द्र नेम्वाङ, माननीय उप–प्रधानमन्त्रीहरू, माननीय मन्त्रीहरू, संवैधानिक निकायका प्रमुखहरू, सर्वोच्च अदालतका माननीय न्यायाधीशहरू, निजामती सेवाका वरिष्ठ पदाधिकारीहरू,  नेपाल बार एशोसिएसनका अध्यक्ष, नेपाल कानून आयोगका अध्यक्ष लगायत अन्य विशिष्ट महानुभावहरुको समेत उपस्थिति रहेको थियो । 

आज्ञाले,

(त्रैलोक्यराम आचार्य)

२०७० चैत्र २४

सम्माननीय राष्ट्रपति डा.रामवरण यादवको समुपस्थितिमा सम्माननीय प्रधानमन्त्री सुशील कोइरालाले आज राष्ट्रपति भवन, शीतलनिवासमा नवनियुक्त माननीय वाणिज्य तथा आपूर्ति मन्त्री सुनिलबहादुर थापा र माननीय महिला, बालबालिका तथा समाजकल्याण मन्त्री नीलम के.सी.(खड्का) लाई सपथ ग्रहण गराउनु भयो ।

सो समारोहमा सम्माननीय उपराष्ट्रपति श्री परमानन्द झा, उपप्रधानमन्त्रीहरू, मन्त्रीहरू, संवैधानिक निकायका प्रमुखहरू, निजामती सेवा, जंगी तथा सुरक्षा निकायका वरिष्ठ पदाधिकारीहरू र राजनीतिक दलका नेताहरू समेतको उपस्थिति रहेको थियो । 

(त्रैलोक्यराम आचार्य)
 उपसचिव

२०७० चैत्र १२

सम्माननीय राष्ट्रपति डा. रामवरण यादवबाट नेपालको अन्तरिम संविधान, २०६३ को धारा ८७ बमोजिम देहाय बमोजिमका ऐनहरुको प्रमाणीकरण भएकोले यो विज्ञप्ति प्रकाशित गरिएको छ।

१.सम्पत्ति शुद्धीकरण (मनी लाउण्डरिङ्ग) निवारण (दोस्रो संशोधन) ऐन, २०७०                                                                 

२.आर्थिक ऐन, २०७०                                                                                                                                               

३.निर्वाचन सम्वन्धी केही नेपाल ऐनलाई संशोधन गर्ने ऐन, २०७०                                                                                    

४.कसुरजन्य सम्पत्ति तथा साधन (रोक्का, नियन्त्रण तथा जफत) ऐन, २०७०                                                                    

५.सपुर्दगी ऐन, २०७०                                                                                                                                                

६.नेपाल स्वास्थ्य सेवा (चौथो संशोधन) ऐन, २०७०                                                                                                       

७.निजामती सेवा (तेस्रो संशोधन) ऐन, २०७०                                                                                                               

८.संविधानसभा सदस्य निर्वाचन ऐन, २०७०                                                                                                                 

९.पारस्परिक कानूनी सहायता ऐन, २०७०                                                                                                                    

१०.सङ्गठित अपराध निवारण ऐन, २०७०                                                                                                                  
 
आज्ञाले

(त्रैलोक्यराम आचार्य)
उपसचिव

२०७० चैत्र २८ गते शुक्रवार

सम्माननीय राष्ट्रपति डा. रामवरण यादव समक्ष महालेखापरीक्षक श्री भानुप्रसाद आचार्यले आज राष्ट्रपति भवन, शीतलनिवासमा आयोजित समारोहमा नेपालको अन्तरिम संविधान, २०६३ को धारा १२४ को उपधारा (१) बमोजिम महालेखा परीक्षकको ५१ औं वार्षिक प्रतिवेदन पेश गर्नु भयो । 

सो अवसरमा सम्माननीय राष्ट्रपतिले आर्थिक वर्ष २०६९।७० को वार्षिक प्रतिवेदन तयार गरी पेश गर्नु भएकोमा महालेखापरीक्षक सहित सम्बद्ध कर्मचारीहरुलाई धन्यवाद दिनुका साथै महालेखा परीक्षकको कार्यालय वित्तीय अनुशासन कायम गर्न सक्षम रहोस् भन्ने कामना समेत व्यक्त गर्नु भयो ।
 

आज्ञाले,
(त्रैलोक्यराम आचार्य)
प्रवक्ता

२०७० चैत्र १२

सम्माननीय राष्ट्रपति डा. रामवरण यादवबाट नेपालको अन्तरिम संविधान, २०६३ को धारा ८७ बमोजिम देहाय बमोजिमका ऐनहरुको प्रमाणीकरण भएकोले यो विज्ञप्ति प्रकाशित गरिएको छ।

१.संवैधानिक परिषद् (काम, कर्तव्य, अधिकार र कार्यविधि) सम्बन्धी ऐन, २०६६ को साविकको व्यवस्था जगाउने सम्बन्धी व्यवस्था गर्न वनेको ऐन, २०७०
२. विनियोजन ऐन, २०७०
३.राष्ट्र ऋण उठाउने ऐन, २०७०

आज्ञाले
(त्रैलोक्यराम आचार्य)
उपसचिव

श्रीमती विद्यादेवी भण्डारी
सम्माननीय राष्ट्रपति