राष्ट्रपतिको कार्यालय

राष्ट्रपतिको कार्यालय
संघीय लोकतान्त्रिक गणतन्त्र​ नेपाल
नेपाल / NEPAL

PRESS RELEASES » २०७३ » २०७३ असोज

२०७३ असोज ४ गते मंगलबार

आज मिति २०७३ साल असोज ४ गते मंगलबारका दिन  राष्ट्रपति भवन, शीतलनिवासमा सम्माननीय राष्ट्रपति श्रीमती विद्यादेवी भण्डारीज्यूसमक्ष हाल नेपालको भ्रमणमा रहनु भएका मित्रराष्ट्र चेक गणतन्त्रको संसद Chamber of Deputies का Vice President Dr. Vojtech Filip को नेतृत्वमा रहेको चेक गणतन्त्रका महामहिम राजदूत Mr. Milan Hovorka सहितको टोलिबाट शिष्टाचार भेट भयो । भेटमा नेपाल र चेक गणतन्त्रबीचको घनिष्ट कूटनीतिक सम्बन्ध तथा दुई देशबीचको आपसी सहयोग र हितलाई थप विस्तार गर्दै जानुपर्ने लगायतका विषयमा कुराकानी भयो ।
 
 
   (ध्रुवराज आचार्य)
    सहायक प्रवक्ता

२०७३ असोज ४ गते मंगलबार

आज मिति २०७३ साल असोज ४ गते मंगलबारका दिन  राष्ट्रपति भवन, शीतलनिवासमा सम्माननीय राष्ट्रपति श्रीमती विद्यादेवी भण्डारीज्यूसमक्ष हाल नेपालको भ्रमणमा रहनु भएका मित्रराष्ट्र इजरायलका नोवेल पुरस्कार विजेता Prof. Dan Shechtman (Chemistry, 2011, discovery of Quasiperiodic Crystal) को नेतृत्वको  इजरायल, जापान, फ्रान्स र संयुक्त अधिराज्यका बैज्ञानिकहरुका साथै Prof. Dan Shechtman की श्रीमती तथा मनोविज्ञान एवम् शिक्षाका प्राध्यापिका Mrs. Aippora Shechtman समेत रहेको टोलिबाट शिष्टाचार भेट भयो । भेटका अवसरमा  नेपाल र इजरायलबीचको घनिष्ट कूटनीतिक सम्बन्ध तथा दुई देशबीच शैक्षिक, प्राविधिक, आर्थिक, सामाजिक आदि विकासका क्षेत्रमा हुनसक्ने सहयोगका सम्भावना एवम् आपसी सम्बन्धलाई विस्तार गर्दै जानुपर्ने लगायतका विषयमा कुराकानी भयो । उक्त अवसरमा नेपालका लागि इजरायलका महामहिम राजदूत Mr. Yaron Meyer ले इजरायलका महामहिम राष्ट्रपति Mr. Reuven (Ruvi) Rivlin ज्यूले नेपालको संविधान दिवस तथा राष्ट्रिय दिवस, २०७३ का अवसरमा  नेपाल र नेपाली जनताको उत्तरोत्तर प्रगति र समृद्धिको कामना सहित पठाउनु भएको शुभकामना सन्देश सम्माननीय राष्ट्रपतिज्यूसमक्ष हस्तान्तरण गर्नुभयो ।
 
 
   (ध्रुवराज आचार्य)
    सहायक प्रवक्ता

२०७३ असोज ४ गते मंगलबार

आज मिति २०७३ साल असोज ४ गते मंगलबारका दिन  राष्ट्रपति भवन, शीतलनिवासमा सम्माननीय राष्ट्रपति श्रीमती विद्यादेवी भण्डारीज्यूसमक्ष नेपालका लागि मित्रराष्ट्र माल्दिभ्सका महामहिम राजदूत Mr. Ahmed Saleem ले शिष्टाचार भेट गर्नुभयो । भेटका अवसरमा दुई देशबीच  रहिआएको सुमधुर कूटनीतिक सम्बन्ध, पर्यटन विकास, वातावरण संरक्षण, जलवायु परिवर्तनका नकारात्मक प्रभावलाई सामना गर्ने कार्यजस्ता विषयमा हुनसक्ने आपसी सहयोगको सम्भावना तथा सार्क सदस्यराष्ट्र एवम् अन्तर्राष्ट्रिय संघसंस्थामा निकट सहयोगी राष्ट्रका रुपमा दुई देशबीचको आपसी सम्बन्धलाई निरन्तरता दिने लगायतका विषयमा कुराकानी भयो । उक्त अवसरमा महामहिम राजदूतले माल्दिभ्सका महामहिम राष्ट्रपति Mr. Abdulla Yameen ज्यूले नेपालको संविधान दिवस तथा राष्ट्रिय दिवस, २०७३ का अवसरमा  नेपाल र नेपाली जनताको उत्तरोत्तर प्रगति र समृद्धिको कामना सहित पठाउनु भएको शुभकामना सन्देश सम्माननीय राष्ट्रपतिज्यूसमक्ष हस्तान्तरण गर्नुभयो ।
 
 
   (ध्रुवराज आचार्य)
    सहायक प्रवक्ता

२०७३ असोज ३ गते सोमबार

सम्माननीय राष्ट्रपति श्रीमती विद्यादेवी भण्डारीज्यू नेपालको राष्ट्रिय दिवसका रुपमा रहेको संविधान दिवस, २०७३ का अवसरमा नेपालका लागि विभिन्न मित्रराष्ट्रहरुका महामहिम राजदूत तथा कूटनीतिक नियोग प्रमुख दम्पतीका लागि राष्ट्रपतिको कार्यालयद्वारा आज मिति २०७३ साल असोज ३ गते सोमबारका दिन राष्ट्रपति भवन, शीतलनिवासमा आयोजित साँस्कृतिक कार्यक्रम तथा रात्रिभोज कार्यक्रममा सरीक हुनुभयो । उक्त समारोहमा आमन्त्रित सबैलाई राष्ट्रपति भवनमा स्वागत गर्नुहुँदै सम्माननीय राष्ट्रपतिज्यूले जनताका लागि जनताद्वारा बनाइएको यो पहिलो संविधानले समतामूलक र न्यायपूर्ण समाज सृजनाको लक्ष्य लिएको हुनाले आम जनता, राजनीतिक दल र सरकारको प्रमुख दायित्व संविधानको प्रभावकारी कार्यान्वयन गर्नु नै रहेको बताउनु भयो । सम्बोधन कै क्रममा सम्माननीयज्यूले लोकतान्त्रीकरणको प्रकृया अगाडि वढाउने, संवैधानिक प्रणालीको सुदृढीकरण गर्ने तथा देशको द्रूततर सामाजिक आर्थिक विकास गराउने हाम्रो कार्यमा मित्रराष्ट्रहरुबाट प्राप्त सद्‌भाव र शुभेच्छाका लागि धन्यवाद दिनुहुँदै आगामी दिनमा पनि यस्तै सहयोगको अपेक्षा सहित कार्यक्रममा उपस्थितिका लागि सबैलाई धन्यवाद दिनुभयो । उक्त अवसरमा सम्माननीय प्रधानमन्त्रीज्यू, सम्माननीय प्रधान न्यायाधीशज्यू, माननीय उपप्रधानमन्त्री तथा माननीय मन्त्रीज्यूहरु, पूर्व विशिष्ट पदाधिकारीज्यूहरु, माननीय राज्यमन्त्रीज्यूहरु, संवैधानिक निकायका प्रमुखज्यूहरु, नेपालका लागि विदेशी कूटनीतिक नियोगका प्रमुख एवं प्रतिनिधीज्यूहरु, नेपाल सरकारका उच्च अधिकारीहरु, सुरक्षा निकायका प्रमुखहरु लगायतको उपस्थिति रहेको थियो ।
 
     (ध्रुवराज आचार्य)
     सहायक प्रवक्ता

२०७३ असोज ३ गते सोमबार

आज मिति २०७३ साल असोज ३ गते सोमबारका दिन सम्माननीय राष्ट्रपति श्रीमती विद्यादेवी भण्डारीज्यूबाट मन्त्रिपरिषद्को मिति २०७३/६/२ को सिफारिसमा ज्येष्ठ नागरिक सम्बन्धी ऐन, २०६३ को दफा १२, कारागार नियमावली (संशोधन सहित), २०२० को नियम २९ को उपनियम (१) र (२क) तथा सजाय माफी, मुलतवी, परिवर्तन वा कम गर्ने सम्बन्धी कार्यविधि, २०७१ बमोजिम असल चालचलन भई कैदको सजाय छोट्याउन योग्य देखिएका घनेन्द्र इजम समेत ५३७ (पाँच सय सैतीस) जना कैदीहरुको भुक्तान हुन बाँकी कैदको सजाय संविधान दिवस २०७३ को उपलक्ष्यमा नेपालको संविधानको धारा २७६ बमोजिम माफी भएको छ ।
 
 
   (ध्रुवराज आचार्य)
    सहायक प्रवक्ता

श्रीमती विद्यादेवी भण्डारी
सम्माननीय राष्ट्रपति